好耐都無寫下野了, 對上一篇心情係5月的事, 咁就兩個月了...
今日想突然想寫, 居然係有少少唔開心的心情, 應該係唔知想點的心情, 唉...
尋晚, 好突然收到阿妹老豆個電視 (當然唔係打比我啦), 話阿妹個哥哥打算要結婚了~!! 原因係... 佢搞大左女朋友個肚... 唉... 突然覺得, 係佢地成個家族的傳統丫? 定係而家D人 (噢, 應該話, 我o個輩D人開始) 太開放呢?!
呢個都已經唔係咩問題, 最大問題係... 哥哥今年至岩岩夠21歲! 佢女朋友... 細佢一年, 得20歲! 兩個都未定性, 兩個連自己都未養得掂 (係, 我都係連自己都未養得掂~), 而家仲要整多件細的... 咁... 咁... 咁... 咁... 即係點丫?
唉~ 而家女方要求要擺酒結婚, 擺酒 is a MUST~!! 但錢從何來? 咪又係哥哥老豆出晒囉...
係喎~ 成件事, 都唔關我事, 我藍乜鬼心情遮?! 唉... 講真, 見到身邊的人都搵到個伴, 可以結婚, 可以生仔, 有自己的家庭... 其實... 我好羨慕, 甚至妒忌架.
其實, 我都好想有個好愛我, 疼我, 錫我的伴, 可以陪我過埋下半生. 當然, 最大的心願, 就係可以生返個小朋友, 我成日覺得, 如果我有自己的小朋友, o個個一定係阿妹返黎同我地重聚架...
可惜丫, 我... 無人要... 呵呵~
文章標籤
全站熱搜
